مخبي إيه???..

 .....(( مخبي  إيه ؟؟ ))....

يا تري  مخبي ايه  يا زمن 

 الجسم  مني ...... انحني

و قلبي   عليا .........جني 

و الفكر  صابه ...... .وهن

مخبي  ايه ........يا زمن ؟؟

لا  فرح  بييجي .....داري       

ولا  حد  بيا  ........ داري

و مهما     عيوني  بتداري      

القلب ...... أعياه  الشجن

مخبي  إيه. .....يا  زمن. ؟؟

راحوا  فين .... الحبايب ؟        

القلب  في  هواهم  دايب

و عن  بالي  ما حد  غايب 

رغم  الألم...... ..  و المحن 

مخبي  إيه...........يا  زمن ؟؟

الصبر   مني ....... اشتكى        

والشجر  لحالي.........  بكى

و حكايتي  عليه  تتتحكي 

و من عمري  دفعت  التمن 

مخبي   إيه........ يا  زمن ؟؟

 لا  أنا  بلقاه  

               ولا قادر  انساه

كيف   أنساه   وانا  عايش

.............علي  أمل لقياه 

ولو  البدن ....عليه  الكفن 

في القلب   محفور  رسمه

و أردد  علي الدوام  إسمه    

لا  بيصالحني 

         و لا  قادر  أٔخاصمه

و بيها مثل  مجنون 

            و عقله  ما إتوزن 

 أروي  كل    يومة  ورده

علي امل ...يجيني.  رده       

بعد   جفاه ........و صده 

دي  عيونه 

             كانت  ليا  وطن

علمتني   يا زمن .......          

لا  الصحرا    تنبت  زهور

ولا   الشوك    ليه  عطور

ولا   صاحب........ الأعذار          

 يعرف....... معني الشعور

.مهما  كان ........ الحَزن

مخبي  إيه........ يا زمن ؟؟

يفيد  بإيه .......الانتظار           

........... لحبيب  مغرور ؟؟

ما  بين  ليل  .......و نهار 

و القلب ......صار  مقهور          

و في الهوي  يضيع عمرنا 

............... من غير  تمن 

يا تري ...

...... مخبي  إيه  يا زمن؟؟

★★★★★★★★★★

د/عمر عبد الجواد عبد العزيز