* * * بلاش تتعشم * * *للشاعر /صابر الشناوي

 * * * بلاش تتعشم * * *

للشاعر /صابر الشناوي

انا اللي تملي بندهلك

تقول انا جاي

 ومتكيف بعرف الناي

  على حزني والف جواب

وألف جواب بعتوهلك

تكون نساي

ومحتاجلك تكون جنبي

في وقت الشده والازمات

وانا اللي كنت متعشم

 تكون ايدك بتسندني

ومرسي ليا في المتاهات

وزاد حزني ولا تقولي

فيوم انا جاي

واقول ازاي اكون

 

صابر وبتكابر على جرحي

  وكلي آهات

وليه ايدك بتبعدني

وطول بعدك معذبني

خلي كلامي كله سكات

في قلبي آهات

تقولي ازاي داكان هوا

 آخر أملي في الدنيا

 واول حد بجري عليه

أنا كنت الراحه والمرسي

 لو الدنيا عليك تأسي

 وأطيب خاطر بالبسمه

 

 واول مره ألجأ لك

تقول أنا جاي وتوعدني

ويفضل قلبي مشتاقلك

ولا بتوفي في مره معاد

خلاص صدقني مش فارقه

عرفت معزتي عندك

ومهما تكون نار الفرقة

افضل من جنتي ف قربك

ولا عمري مره ابعتلك

ولا اندهلك مهما كنت

محتاجلك ولا تفرح

في يوم فيا وتتكيف

بعزف الناي على حزني

ولو قلبي سألني عليك

هقوله بلاش في تتعشم

ودلوقتي صبح ذكرى

بلاش تفتكتره من تاني

لاني نعيته في صحيفتي

صبح واحد من الأموات