بركان الحب بقلمي يحيى حسين
بركان الحب
بقلمي يحيى حسين
كانت زمان فراشاتي
بترتوي بعبيرك شهد
كانت وياكي هنا هايمة
في حضنك وحضن الورد
وشوق الدنيا بعيونك
بينده بحمار عالخد
كان بحرك لشطآني
بيحضن رمالي بمد
ارمي الحزن على عتابك
وعمري يبتدي من المهد
لكن الدنيا كده قاسية
وفرقتنا حبيبتي زمان
وكانت لفرحنا ناسية
فاكرانا بس بالأحزان
ورجع الفرح برجوعك
ونبض ودبيب شريان
شرياني رجع تاني
وبشوقه صبح بركان
انهاري هنا في وديانك
وضفافك لعوب وودود
لكن سيول جريانها
مقابلها حبيبتي سدود
وسدودك ساعات توعد
وساعات جفا وصدود
توعدني بعبير الورد
وتحضني بشوك لورود
بتجرح كتير وساعات
بتوعد بطيب العود
تعبت خلاص وبقى قلبي
بركانه رصاص وبارود
لكنه مسيره بكرة ينام
في قبره وياكله الدود
القاهرة 8 يوليو 2020
مرسلة بواسطة Merft abdalkader @ يوليو 08, 2023
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية